Հունիսի 28-ին կայացել է Եվրոպայի խորհրդի նախարարների կոմիտեի հերթական նիստը, որին Հայաստանի պատվիրակությունը բարձրացրել է Ադրբեջանի կողմից Լաչինի միջանցքի անօրինական արգելափակման հարցը։
Եվրախորհրդում Հայաստանի մշտական ներկայացուցիչ, դեսպան Արման Խաչատրյանը ներկայացրել է նաև հրադադարի ռեժիմի կոպիտ խախտումները և Ադրբեջանի սադրիչ գործողությունները, որոնց արդյունքում Լեռնային Ղարաբաղում չորս զինծառայող է զոհվել և ընդգծել, որ շարունակվում է Լաչինի միջանցքի արգելափակումը, Հայաստանից գազի և էլեկտրաէներգիայի մատակարարման դադարեցումը, ատելության խոսքի և սպառնալիքների միջոցով Լեռնային Ղարաբաղի խաղաղ բնակչության ահաբեկումը վկայում են այն մասին, որ Ադրբեջանը հետևողականորեն փորձում է էթնիկ զտումներ իրականացնել Լեռնային Ղարաբաղում: