Մենք լավ պատկերացնում ենք, թե Հարավային Կովկասի որ երկիրն է իրականում ցանկանում խաղաղություն, որը ոչ – Լեհաստանի նախագահ
Լեհաստանի նախագահ Անջեյ Դուդան ընդունել է Հայաստանի Հանրապետության Ազգայինժողովի նախագահ Ալեն Սիմոնյանի գլխավորած պատվիրակությանը։ Հանդիպման ընթացքում Սիմոնյանը հիշեցրել է, որ Հայաստանը դիմել է ԵՄ–ին՝ Եվրոպական Խաղաղության Հիմնադրամի (ԵՀՀ) միջոցով տեխնիկական աջակցության խնդրանքով, սակայն, ցավոք, Հայաստանի խնդրանքը մերժվել է՝ կապված Հայաստան–Ադրբեջան հարաբերությունների կարգավորման հարցում ԵՄ միջնորդության հետ։ Բանախոսը կրկնեց, որ սա տեխնիկական աջակցություն է պաշտպանունակությունը բարելավելու համար:
Սիմոնյանն ընդգծել է Հայաստանում ԵՄ դիտորդական առաքելության տեղակայման կարևորությունը և մանրամասնել Հայաստանի ինքնիշխանությանը սպառնացող վտանգները և այն ճգնաժամը, որում հայտնվել են Լեռնային Ղարաբաղի հայերը ադրբեջանական ագրեսիայի արդյունքում՝ ընդգծելով, որ Հայաստանն ակնկալում է միջազգային գործընկերներից դատապարտել նման անօրինական և անմարդկային գործողությունները՝ընդհուպ մինչև Ադրբեջանի դեմ պատժամիջոցների կիրառումը։
