Ադրբեջանի կողմից Լեռնային Ղարաբաղի շրջափակումը, որը շարունակվում է 2022 թվականի դեկտեմբերից, խախտելով Արդարադատության միջազգային դատարանի որոշումը, հանգեցրել է հատկապես ծանր մարդասիրական հետևանքների երեխաների համար, անհնար է դարձրել դպրոցների և նախադպրոցական հաստատությունների, բժշկական ծառայությունների և իրերի տրամադրումը։
Ադրբեջանը խոչընդոտում է ՄԱԿ–ի կառույցների մուտքը Լեռնային Ղարաբաղ և տեղի բնակչության կարիքների համապարփակ գնահատումը։ Լաչինի միջանցքի շրջափակումն ու շուրջ 30 հազար երեխաների ու նրանց ընտանիքների շրջափակումը նրանց իրավունքների լուրջ խախտում է։
Կոչ ենք անում միջազգային հանրությանը քայլեր ձեռնարկել՝ կանխելու Լեռնային Ղարաբաղում ապրող երեխաների կենսապայմանների հետագա վատթարացումը։
ՄԱԿ–ը, նրա հումանիտար հարցերի համակարգման գրասենյակը, երեխաների և զինված հակամարտությունների պաշտպանության հարցերով Գլխավոր քարտուղարի հատուկ ներկայացուցիչը և Անվտանգության խորհուրդը պատասխանատու են երեխաների իրավունքների կոպիտ խախտումների կանխարգելման և երեխաների ֆիզիկական անվտանգության ապահովման համար, այդ թվում՝ Լեռնային Ղարաբաղում։
©️ՄԱԿ–ում Հայաստանի մշտական ներկայացուցիչ Մհեր Մարգարյանը ՄԱԿ–ի Անվտանգության խորհրդում բրիտանական նախագահությամբ «Երեխաները և զինված հակամարտությունները» թեմայով քննարկման ժամանակ: